Вработените во националниот парк „Галичица“ утрово одржаа протестен собир поради за нив необјаснетото разрешување на актуелниот ВД директор на ова јавно претпријатие, Андон Бојаџи и именувањето на новиот директор Васко Паскали.
До промени во националниот парк дошло спротивно без конкурс и одлука на Управиот одбор. Воедно. Како што за НОВА изјави претставник на вработените законот за работни односи е прекршен и поради тоа што разрешувањето на стариот и именувањето на новиот директор е направено без никакво образложување.
Вработените во националниот парк бараат новонастанатата ситуација да им ја објасни потписникот на решението за именување на новиот директор, министерот за внатрешни работи Оливер Спасовски или претседателот на Општинскиот огранок на СДСМ кој според нив стои зад ваквото кадровско решение со оглед на тоа што новоименуваниот директор Васко Паскали е висок партиски функционер во охридскиот штаб на социјалдемократите.
Сите вработени без исклучок сметаат дека станува збор за партиско решение кое директно ќе штети на развојот на Јавното претпријатие и неговите планови за развој на националниот парк “Галичица”
Според проценката на вработените кои причина поради која се одлучиле да протестираат е и тоа што досегашниот ВД директор, Бојаџи е шумарски инженер со 25 годишно искуство и со својата активност успеал да обезбеди повеќе милиони евра од фондовите на ЈУ ЕН ДИ ПИ, ЕУ и Меѓународната асоцијација за поддршка за развој на охридско-преспанскиот регион. Според вработените ваквите промени на челото на јавната установа ги доведуваат во ризик актуелните фондови кои се доделени на “Галичица” како и оние за кои оваа јавна установа аплицирала со барање за нови финансиски средства кои ќе ја поддржат стратегијата за развоја на националниот парк “Галичица”
Од колективот на националниот парк најавија штрајк се додека не се исполнат нивните барања да им биде објаснето зошто на местото на искусни и професионални кадри се носат партиски без искуство во областа која им е доверена како одговорност.