Министерството за финансии денеска соопшти дека се исплатени 150 милиони евра за еврообврзницата издадена во 2005 година.
Според информацијата, по основ на камати од почеток на отплатата до денес се исплатени 69,375 милиони евра, или вкупно заедно со главнината 219 милиони евра. Оваа еврообврзница е издадена пред десет години, со каматната стапка од 4,625 отсто.
На трети декември годинава, на буџетската сметка легнаа 270 милиони евра, од задолжувањето на Македонија со еврообврзница. Информацијата во изјава за
Алсат М ја потврди и министерот за финансии Зоран Ставрески, според кого парите ќе се искористат за покривање на буџетските потреби за 2016 и за справување со бегалската криза.
Владата првично планираше да издаде еврообврзница од 500 милиони евра, но со интервенција на дополнителниот заменик министер Кире Наумов, таа сума беше преполовена.