Кики Бертенс ја одбрани титулата на ВТА турнирот во Нирнберг што се играше за награден фонд од 250.000 евра. Холандската тенисерка во финалето ја совлада чешката квалификантка Барбора Крејчикова со 6:2, 6:1 и без загубен сет го заокружи успешниот настап во Германија.
За 19. светски рекет кај дамите ова е трета турнирска победа во кариерата и доаѓа како потврда дека во вистинско време влегува во форма пред почетокот на Ролан Гарос. На Мастерсот во Мадрид стигна до четврт-финале, на турнирот од истата категорија во Рим до полуфинале, а во Париз ќе патува со трофеј од Нирнберг.
Покрај победничкиот пехар, Бертенс доби и вредносен чек на 34,677 евра и 280 бода на контото. Крејчикова, пак, од првото свое ВТА финале излегува „потешка“ за 17,258 евра и 180 поени.