Многу граѓани дојдоа вечерва да ги посетат и да им дадат подршка на луѓето што кампуваат пред Владата, барајќи оставка на политичкиот врв.На камперите им се придружи и потпретседателката на СДСМ, Радмила Шеќеринска која ќе ја помине ноќта пред Владата.
Лидерот на опозицијата Зоран Заев не можеше да остане бидејќи утре патува на преговори во Стразбур.
Антивладините демонстранти кои втора вечер кампуваат пред Владата велат дека нема да си заминат додека премиерот Никола Груевски не даде оставка. Тие велат дека се подготвени да чекаат со денови се додека не ја постигнат целта
Дел од граѓаните и активисти кои започнаа со протести на 5-ти мај пред Владата продолжуваат со својата стратегија да се собираат во истиот термин секој ден во близина на Владата се додека не се исполнат барањата за оставки и распуштање на владејачката гарнитура.