Вториот американски хуманитарен работник, кој се зарази со вирусот Ебола во Западна Африка, се очекува денеска да пристигне во САД во тешка состојба, а њујоршката болница веќе истражува маж со симптоми на смртоносната болест, објави Ројтерс.
Мажот кој дошол во ургентното одделение со силна треска и стомачни болки е во добра состојба и резултатите од првите истражувања покажаа дека тој најверојатно не е заразен со Ебола, изјавил за медиуми болничкиот персонал.
Од Либерија отпатува и мисионерката Ненси Ратбол, која исто така е една од заразените, се очекува да пристигне во американскиот град Атланта, за да биде лекувана од специјалисти за заразни болести во изолирано одделение во локална болница.
Специјалистите од оваа болница во саботата започнаа да го лекуваат американскиот лекар Кент Брантли, кој исто така се врати во САД зарезен со Ебола во Африка.
Меѓународни банки за развој најавија дека ќе обезбедат итни заеми од 260 милиони долари на три западноафрикански земји кои се погодени од ширењето на смртоносниот вирус Ебола, објави Ројтерс.