Во првите четири дена од објавувањето, филмот „Интервју“ заработи над 15 милиони долари преку он-лајн продажба. Вчера, „Сони“ објави дека комедијата била побарана над 2 милиони пати од денот на објавувањето.
– Вкупно до саботата, профитот за „Интервју“ е над 15 милиони долари, соопшти „Сони“.
Неофоцијално, во неделата филмот заработи дополнителни 3 милиони долари додека се прикажувал низ кината во САД.
Инаку, вкупниот буџет за изработка на филмот е некаде околу 44 милиони долари.
Он-лајн продажбите најмногу оделе преку „ЈуТјуб“ и „Гугл плеј“. Освен на овие сервиси, филмот е достапен и преку „Иксбокс“ и веб-страната на „Сони“.
Дополнително како поттик за изнајмување или купување на филмот, актерите Сет Роген и Џејмс Франко одржаа сесија во живо на Твитер во комуникација со гледачите.