Пратеникот на ДПА Имер Алиу, нарекувајќи го претседателот на Македонија Ѓорѓе Иванов пиoн на Груевски, побара извинување од премиерот до Албанците поради неиспраќањето покана до претседателката на Косово Атифете Јахјага.
„Ја поздравувам одлуката на претседателот на Албанија, а пред се на хрватскиот претседател што го откажаа присуството на овој самит, заради непоканувањето на Косово. Во исто време, може да констатираме дека со оваа Влада постои целосно отсуство на перспектива за интеграција на Македонија во ЕУ и НАТО“, изјави Алиу.
Премиерот со одговор дека оваа организација е ротирачка организација. Оваа година се погоди Македонија да биде организатор.
„Организацијата има свои правила и одлуките се носат со консензус. Секоја земја има право на вето. Во овој случај две земји го блокираа предлогот претседателката на Косово да биде поканета. Тоа е проблемот зошто не беше испратена покана до Косово. Факт е дека Македонија излезе жртва. Интереси на други држави се судрија.
Инаку, ова се први пратенички прашања по инцидентот од 24 декември кога новинарите и пратениците од опозицијата беаисфрлени од пленарната сала.
Претходно Горан Мисовски од НСДП на прес конференција изјави дека пратениците на НСДП, на денешната 61-ва седница на Собранието, нема да поставуваат пратенички прашања до Владата на Република Македонија.
Според НСДП политички е неодговорно и апсурдно, да се поставувааат пратенички прашања до Влада во која сеуште седат Зоран Ставрески и Гордана Јанкулоска, министрите кои директно командуваа со специјалните полициски сили, кои на 24-ти декември 2012 година, на насилен и брутален начин ги исфрлија пратениците и новинарите од собраниската сала.
За нив и по пет месеци од „ова противуставно и противзаконско постапување на министрите на Груевски“, сеуште никој нема сносено одговорност.