Специјалната јавна обвинителка, Катица Јанева, смета дека тоа што Владимир Панчевски си го снимал својот стан, треба да биде предмет на психијатриска опсервација, откако беше објавена снимка од видео надзорот во станот на судијата.
Таа додава дека крим-полицијата паралелно го снимала претресот во судот и во станот на Панчевски.
Специјалното јавно обвинителство најостро ги демантира обвинувањата на судијата Панчевски дека при претресот на СЈО во неговиот дом истражител му го украл клучот. СЈО со налог издаден од Основниот суд во Гевгелија влезе во домот на Панчевски, а претрес изврши и во неговата работна канцеларија во Кривичниот суд.
-Ние сакавме овој случај да заврши професионално, тајно, без јавност. Се работи за предистражна постапка. Но, еуфоријата што се појави во јавноста во врска со претресот и самото наметнување од страна на Панчевски на заклучоци како работи СЈО, ја покажува неговата загриженост и незадовослство од тоа дека ние професионално си ја вршиме нашата работа – изјави Јанева, додавајќи дека се знае зошто Специјалното обвинителство влезе во канцеларијата и домот на екс претседателот на Кривичен.
– Апсолутно не е одземен клучот од домот на Панчевски. Во моментот кога ние имавме наредба од суд да извршиме претрес, во станот на Панчевски, немаше никаква потреба да земаме такви работи. Ние можевме да земеме се што е предмет на наредбата и се е одзмено со записник за претрес и тоа и го направивме – рече Јанева.