Лидерот на ВМРО-ДПМНЕ Христијан Мицкоски вечерва од штабот на партијата изјави дека граѓаните кои гласале „против“ на референдумот и оние кои не излегле на гласање ја испратиле најгласната порака дека „Ова е Македонија“.
Имаме нова општествена реалност во која македонскиот народ но и Албанците, Турците, Ромите, Србите, Бошњаците покажаа мудрост и не дозволија да бидат заведени. Тоа е желбата на народот која ВМРо-ДПМНЕ ќе ја следи, изјави претседателот на ВМРО-ДПМНЕ, Христијан Мицкоски на прес конференција по завршувањето на гласањето на рефререндумот.
„Народот покажа дека не се плаши. ВМРО-ДПМНЕ останува со народот и ќе ве победиме. Затоа што ова денес е пораз не само за Договорот со Грција туку и за криминалот на власта, за наместени тендери за уништената економија, за немање прокети во образованието, здравството. Ова е пораз за бизнисите на Вицето, Анѓушев, за криминалците кои ги пуштивте слоода. Народот е на нозе а до сега никој не победил народ“, рече Мицкоски.
Тој ја обвини владеачката СДСМ дека во текот на денот испраќала лажни пораки до членовите на ВМРО-ДПМНЕ да излезат на гласање и дека власта полнела гласачки кутии во неколку општини низ Македонија.
„Ќе одговарате за тоа како приватни телефони се нашле во рацете на луѓе од „Бихаќа“, како се полнеа гласачки кутии во Сарај, Струга и Бутел каде што се обидовте да ја фалсификувавте војлата на народот и за тоа што локални шерифи на СДСМ посетувале домови и на сила ги уценувале граѓаните да гласаат“, кажа Мицкоски.
Мицкоски испрати порака и до, како што рече тој, Владата но и до „лажните душегрижници за вмро-овските работи“.
„Два месеци ширевте невистини и лажни анкети за да го манипулирате народот дека сум се договорил со Заев, дека ВМРО-ДПМНЕ ќе се распадне, те дека ќе ме снемело те дека сум марионета и нечија продолжена рака. Еве стојам овде и може да се погледеме во очи. Ви кажувам дека Македонија ќе победи и ќе продолжи да победува. ВМРО-ДПМНЕ била, е и ќе остане со народот бидејќи организацијата е народот а народот е органзацијата. ЕУ и НАТО аспирациите се наши стратешки приоритети но исто го почитуваме фактот дека народот има свои приоритети како што е името на државата и името пресенено од колено на колено“, рече Мицкоски.
За неуспешниот референдум, како што оцени Мицкоски, директна вина сноси премиерот Зоран Заев и Владата. Тој ги повика премиерот Заев, Собранието, сите пратии и сите пратеници, како што рече тој, да ја почитуваат волјата на народот.
Мицкоски не беше конкретен во одговорот на новинарско прашање што мисли за изјавата на Заев за предвремени избори и дали ќе ги повика пратениците на ВМРО-ДПМНЕ да гласаат против Договорот со Грција.
„Колку и да збори за избори смрштениот израз на лицето на Заев кажува дека потонале сите бродови а и тендерите. Денеска народот кажа дека е против промена на името но е за членсотво во Еу и НАТО. Граѓаните ја сакаат европска македонија но се против Договорот Заев-Ципрас. Бројките се немилосрдна категорија и јасно го изразуваат продолжението на борбата на народот. ВМРО-ДПМНЕ продолжува со активностите во насока на барање вистински решенија. Пораката до сите па и до пратениците е јасна. Заев не треба да се подготвува за избори туку за заминување во трајна политичка пензија“, рече Мицкоски.