Американскиот претседател Барак Обама ја спореди можната интервенција во Сирија со интервенцијата на САД и меѓународната заеднива на Косово, нагласувајќи дека тогаш, како и сега, таквата акција наидувала на непопуларност помеѓу граѓаните на САД, но завршила успешно.
„Дејствувањата во Косово беа многу непопуларни, но мислам дека на крајот се’ излезе како што треба и меѓународната заедница може да биде задоволна што учествуваше во тоа“, изјави Обама по Самитот Г20 во Санкт Петербург.
Обама потенцираше дека е свесен за забелешките на другите нации и нивните народи околу воените интервенции на САД, додавајќи дека иако не сака да прави аналогија со Втората Светска војна, и подоцна бомбардирањата во Лондон, во Конгресот и американската јавност не било популарно поддржување за вмешаноста на Америка во конфликтите.
Претседателот на САД уште еднаш го обвини сиријскиот лидер Башар ал-Асад за користењето на хемиско оружје, нагласувајќи дека во наредните денови ќе продолжи да бара поддршка од Конгресот за воена акција на САД во Сирија.
Рускиот претседател Владимир Путин пак, потенцираше дека неговата земја ќе и помогне на Сирија во случај да биде нападната.