Државата вчера кај домашните кредитори се задолжи за 12,5 милиони евра, иако претходно најави дека ќе побара 5,5 милиони евра.
Заемот на домашниот пазар е преку едногодишни државни записи во износ од 6,5 милиони евра со камата од 2,6 отсто и преку 15-годишна државна обврзница од 6 милиони евра со камата од 4,3 отсто годишно.
Минатата недела државата се задолжи на домашниот пазар со 31 милион евра, иако претходно најави дека ќе побара околу полови од тоа – 15,44 милиони евра.
Дополнителниот заменик-министер за финансии Кире Наумов вчера изјави дека сите задолжувања над сумите што достасуваат за враќање ќе подлежат на законско преиспитување.
Вкупниот долг што до средината на годинава треба да го врати државата е 491 милион евра, а до тогаш се закажани вкупно 23 аукции. Следната аукција е на 26 јануари, а следниот ден за враќање стасуваат 8,8 милиони евра.
Според СДСМ, со вчерашното задолжување, Ставрески „го направи најочајниот потег и ги зголеми каматните стапки на државните записи и обврзници, само за да обезбеди што повеќе средства за желботеките на неговиот кумашин, поранешниот премиер Никиола Груевски, на товар на идните генерации“.
Од оваа партија велат дека со само две аукции и задолжувања Ставрески реализираше 9% од планираниот дефицит за цела 2016 година.
– Ова ново задолжување е во пресрет на очекуваната одлука од Управниот суд по тужбата што преку дополнителниот заменик министер Кире Наумов ја поднесе СДСМ, откако стариот состав на Државната изборна комисија го отрфли барањето за ставање вето на домашните задолжувања повисоки од раздолжувањата, се наведува во соопштението.