Во првиот сет разговори кои ги објави лидерот на СДСМ Зоран Заев се слуша како се нарачуваат судски одлуки.
На една од снимките Влатко Мијалков, брат на првиот човек на УБК, зборува со Филимена Маневска за еден предмет во Аплеација.
Влатко Мијалков бара податок да стапи во контакт со одредена судијка, а Маневска го испраќа кај претседателката на судот Арсениевска, која, според снимката на СДСМ, била ептен од ВМРО.
Во вториот разговор кој го објави Заев се слуша Мартин Протугер како бара од Јанкулоска врски за сопругата на свој другар на која требало да и се поднесе кривична пријава за сообраќајка. Јанкуловска бара податоци за жената и го уверува Протугер дека кривична мора да има, но ќе паднела во понатамошна постапка.
Во третиот разговор Јанкуловска бара ургенции од Сашо Мијалков да фати врски во Врховен суд за да се изгуби спор кој го води МВР против едно лице. Иако е чудно како Јакуловска се откажува, односно сака МВР да го загуби случајот, сепак така морало да биде оти тој човек е учесник во војната и многу помагал на МВР, особено во врска со здружението „Достоинство“.