Зоран Заев ги повика, како што вели, чесните луѓе во ДУИ да ја напуштат владината коалиција.
“ДУИ одигра клучна улога во одржување на власт на ВМРО-ДПМНЕ, затоа ги повикувам чесните луѓе во ДУИ повторно да одиграат клучна улога, но во позитивна смисла. Независно од различните националности, сите имаме одговорност да се избориме за перспективата на нашата земја. Ги повикувам чесните функционери на ДУИ да излезат од Владата, заеднички да формираме Влада и да организираме избори”, повика Заев.
Тој најави нови прислушувани разговори, додека не се организира Влада која ќе спроведе фер и демократски избори.
На прес конференцијата Заев рече дека очекува во наредните десеет дена да се доје до решение.
Заев најави дека во наредните десетина дена, пред одржување на состаноците на Европскиот совет, на 25. и 26. јуни очекува договор со лидерите на останатите партии.
“Ако тоа не се случи, ќе ги земеме предвид останатите демократски механизми кои, секако, ќе бидат мирни и ненасилни. Но вратите во Брисел ги оставивме отворени, и се надевам дека ќе пристигнат иницијативи за продолжување на преговорите од која било страна”, рече Заев, нагласувајќи дека нивните принципи се враќање на демократските институции и корективните механизми.
Најавата за можен ангажман на САД преку потсекретарката Викторија Нуланд Заев го окфалификува како добредојден.