Би било поцелисходно Никола Груевски да си дојде дома и да продискутираме ако има што да каже, вака премиерот Зоран Заев ја прокоментира фејсбук-објавата на неговиот претходник од Будимпешта.
– Се што почнала минатата Влада и што е добро, ние го продолживме. Сите можеме да помагаме, но највеќе ако сме дома. Денес е демократија, слобода. Може екс-премиерот да си коментира секојпат како што мисли, тоа е негово право, но би било поцелисходно да дојде дома и тука да ги прокоментираме идните развојни можности на државата, подвлече Заев.
Заев нагласи дека Владата продолжила со инвестирање во патиштата, ТИРЗ-овите, привлекувањето странски инвестиции и нивната натамошна поддршка, а додаде дека оваа Власт нема да инвестира во проекти како што е Скопје 2014 бидејќи како што оцени тоа не е добар проект.
Груевски во својот статус на фејсбук оцени дека вистинска штета е што новата власт по 2017 година не продолжила по истатата патека и со истата стратегија која била поставена и успешно функционирала.
– Ако ние донесовме над 100 странски компании, со веќе постигнатото, имаше услови да се донесат уште 200 за следните 4-5 години и тоа ќе значеше невработеност од само 5-6 осто во Макеодниаја, што беше наша зацртана цел, и најмалку 50% а можеби и двојно повисок стандард од сегашниот, бидејки тогаш кога ќе снема работна сила по природен пат почнува да растат платитете на вработените насекаде, во услови кога понудата на работни места е поголема од побарувачката, напиша меѓу другото екс премиерот, сега азилант, Груевски.