Премиерот Зоран Заев и српскиот претседател Александар Вучиќ денеска телефонски разговарале за ситуацијата во македонско- српските односи, откако официјален Белград изминатиот викенд ненадејно го повлече персоналот од Амбасадата во Скопје, при што упати само нота до макеоднското МНР, но без објаснување на потегот.
Како што се вели во владиното сооптение, Заев и Вучиќ „во долг и отворен телефонски разговор ги разгледаа сите аспекти на новонастанатата ситуација во рамките на односите меѓу двете држави и постигнаа взаемна согласност дека Република Македонија и Република Србија, сите евентуални недоразбирања во меѓусебните односи ќе ги решаваат исклучиво по пат на дијалог,
-без разлика на различните политички ставови во однос на одредени важни политички и регионални прашања, Македонија и Србија заедно ќе се борат за сочувување, но и за унапредување на пријателските релации на македонскиот и српскиот народ, како и граѓаните на Македонија и Србија,
– ќе вложат уште поголеми напори за понатамошно унапредување на економските релации и зголемување на трговската размена меѓу двете земји,
– во согласност со прописите на меѓународното јавно право, и на добра волја и пријателска основа ќе ги заштитат интересите и правата на дипломатските и конзуларните претставништва на сопствената територија.
Република Македонија и Република Србија ќе ја интензивираат меѓусебната комуникација на највисоко ниво и ќе си дадат взаемна поддршка една на друга на патот кон ЕУ и во зајакнување на добрососедските односи, што ќе придонесе кон стабилност на регионот, се вели во соопштението.