Зоран Заев, претседателот на СДСМ од демир – хисарскиот регион најави неколку мерки од програмата коишто се однесуваат на младите, за вработување и нивната подобра перспектива
-Од сетот на мерки коишто постојат во програмата, преку 50 конкретни мерки со конечна цел ги задржиме младите во оваа наша земја. Овој е еден од нашите региони каде што имаме и тоа како силно напуштање на младите надвор од државата.
Би сакал да споменам неколку мерки. Една од мерките е гаранција за млади. Значи, 30 милиони евра годишно директни средства од буџетот на Република Македонија за вработување и нивно подготвување или доквалификување како млади луѓе за барање на работа.
Овде би ги споменал осумте плус осум инкубатори којшто значат отворање и поддржување на 320 бизнис идеи за самовработување на младите распоредени регионално подеднакво на целата територија на Македонија, каде што очекуваме пред се, илјада годишно млади луѓе да станат свои сопствени газди отворајќи сопствени бизниси, а притоа да отворат и дополнителни 5000 нови работни места.
Другите мерки се во еден сет на државни стимулации и бенефиции како ослободување од социјалните придонеси, персоналниот данок и данокот на добивка, за сите работодавачи коишто ќе вработат млади луѓе. Со овој сет на мерки очекуваме годишно да се отворат помеѓу 5 и 10 илјади нови работни места токму за младите луѓе во Република Македонија.
Би ги споменал мерките за младите во делот на студирањето, отворањето на новиот студентски град во главниот град на Република Македонија, како и реновирањето на студентските домови. Бесплатниот превоз за студентите во самиот главен град и меѓуопштинскиот превоз за самите студенти.
Вкупно во програмата како што реков има преку 50 конкретни мерки само за младите. Се надеваме дека оваа програма многу скоро ќе го види светлото на денот за конечно да си ги задржиме младите овде, да обезбедиме достоинствен живот за нив, како и достоинствена плата за животот коишто ќе го креираат овде во своите огништа во својата Република Македонија, изјавил Заев, како што соопштува СДСМ.