Премиерот Зоран Заев денеска треба ќе се сретне со парламентарното мнозинство за да се договорат како ќе гласаат за предлогот Димитар Богов да биде гувернер и во наредните седум години.
Заев како што изјави вчера, пред месец и половина разговарал на оваа тема со Иванов, но не кажа што тој лично мисли за Богов и дали за него е прифатливо тој да остане уште еден мандат во Народната банка.
-Реално очекував и следна средба да се случи, ако не, меѓу мене и координаторите на пратеничките групи, претседателот. Но вчера добив информација дека е пуштен предлогот. Мене ми е важна независноста на Народната банка и со тоа и монетарната политика да биде стабилна и во иднина. Истовремено ми е важно секогаш преку експертските решенија и ние политичарите тоа да го потврдуваме, изјави Заев.
За претседателот Иванов, Богов е најдобро решение затоа што Македонија од 2015 година па наваму е позитивно оценета во извештаите на Европската комисија во делот на монетарната политика и централнобанкарското работење.
Богов е прифатлив за ВМРО-ДПМНЕ, но не и за ДУИ кои беа против него и во 2011 година, кога за првпат стана гувернер.
Неофицијално, можно е оваа пролет да не се избере гувернер, туку да се чекаат претседателските избори следната година, по што новиот претседатеч ќе даде и предлог за гувернер.
Според деловникот на Собранието, нема рок до кога најдоцна Џафери треба да го стави Богов на гласање. Мандатот на Богов истекува на 21 мај.