Претседателот на СДСМ, Зоран Заев, попладнево оствари средба со жителите на Градско. Тој се обрати пред насобраните жители кои го голем број го позравија и посакаа следниот пат која ќе дојде во Градско да биде премиер, соопштува СДСМ.
-Заев ги увери жителите на Градско дека тоа ќе се случи. Овој пат победуваме, носиме промени на целото општество, дециден беше Заев.
„За да ни тргне работата во оваа наша Македонија ни требаат промени. Затоа понудивме нови лица, нов концепт и целосно нова политичка понуда. Што било досега било, доста е. Време е за нови политики, време е за промени за да одиме напред“ рече Заев во Градско.
Тој додаде дека Социјалдемократскиот сојуз на Македонија на овие избори нема да дозволи никој да ја украде победата на народот.
„Закани, уцени, притисоци, не поминува тоа веќе. Не на овие избори. Следниот ден, на 28-ми, Груевски веќе нема да биде премиер, нема да бидат власт. Сите што го прекршиле законот ќе ги стигне правдата“ рече Заев.
Претседателот на СДСМ ги посети и населените места Војшанци и Треник а потоа пристигна во Неготино.
Неготинчани излегоа на плоштадот и го пречекаа идниот премиер на Репубика Македонија.
Вечерва, Заев, заедно со заменик претседателката на СДСМ, Радмила Шекеринска, ќе се обратат пред граѓаните од населеното место Пепелиште, соопштува СДСМ.
НОВА ги објавува содржините за изборите согласно информациите, фотографиите и видео материјалот кои ги праќаат политичките партии.