Заев: Од лидери станавме лузери
Република Македонија и нејзините граѓани заслужуваат многу понадежна и посветла иднина. СДСМ тоа ѝ го должи на Македонија и тој долг ќе мора го подмириме, изјави претседателот на СДСМ , Зоран Заев на 15 конгрес на партијата. Во обраќањето тој возврати и на критките кои неодамна на негова сметка ги пласираше премиерот Никола Груевски.
– Денес, човекот што им ја скрши кичмата на граѓаните на Македонија, го пеплоса ’рбетот на државата, човекот што во име на античките корења на нашиот народ го порази и погази достоинството на земјава и македонскиот народ сè уште не сфаќа дека има огромна разлика помеѓу свиткана кичма и скршена кичма. Ние сме силата што мора да ги оневозможи ветата што Груевски и неговата владеачка номенклатура ѝ ги наметнаа на Македонија. Притоа да бидеме на јасно – СДСМ нема да дозволи прав да падне врз нашиот национален идентитет, нашиот национален јазик и нашата национална посебност – рече Заев.
Во говорот пред делегагтите Заев зборуваше и за европските перспективи на Македонија,
Се распрснаа како меур од сапуница надежите на граѓаните за членство на земјава во европското семејство на држави. Македонија благодарение на концептот на премиерот не е ни вредна за спомнување од европските авторитети. Од лидери, станавме најголеми балкански лузери. Тажно и разочарано гледаме во грбот на довчерашните европски аутсајдери – Србија и Косово, а пред седум години чекоревме заедно со Хрватска – утре таа е полноправен член на ЕУ. За дебаклот Груевски дрско и безобразно ги обвинува сите – опозицијата, домашните предавници, меѓународната заедница… Цел свет е виновен, само тој не, рече Заев.
15 конгрес на СДСМ е псоветен на измените на статутот на партијата.
Промените на Статутот предвидуваат засилување на скопската организација, бидејќи како што истакна Заев, без победа во Скопје, нема победа во Македонија. Новиот статут на партијата ќе значи и проширување на Централниот одбор со по еден член од руралните средини, како и активирање на месните организации на партијата. СДСМ со измените на статутот ќе добие за прв пат и свој заменик претседател, место резревирано за Радмила Шекеринска