Одиме на победа, Груевски е фатен на дело. Се покажа кој е креаторот на огромниот грабеж, на огромниот грабеж на Македонија и нејзиниот народ, рече во четвртокот навечер лидерот на опозициските социјалдемократи Зоран Заев на предизборниот митинг во Кочани.
„Зарем ќе дозволите и натаму некој да ја злоупотребува позицијата, зарем ќе дадете поддршка на таков човек”, рече Заев
„Денеска јасно е. Кажавме и покажавме кој е креатор на овој огромен грабеж, на Република Македонија. Почна со Македонска Банка, шемата се прошири преку Окта, Телеком…Продолжи да расте со офшор компании кои се влезени секаде во Македонија. Сѐ контролираат. Но, нема никој од надвор да дојде да ѝ помогне на оваа наша земја. Затоа мораме ние заедно да го направиме тоа. Македонскиот народ ќе се избори за слобода, демократија и подобар живот на сите во Македонија”, истакна претседателот на СДСМ.
„Ова е заедничка земја. Бев и во места каде доминантно живее албанско население. Велат соживот има, живот нема. Се жалат на истите проблеми. Сиромаштија, крпење ден за ден. Сиромаштијата не бира националност, верска припадност, таа е иста за сите. Затоа дозволете им на луѓето да гласаат како што чувствуваат и да изберат промени кои ќе им го подобрат животот” додаде рече Заев.
Во Кочани се обрати и кандидатот на СДСМ за претседател, кој рече дека 330-те илјади гласови што ги освои во првиот круг се солидни, но не се доволни. „Затоа во вториот круг таа бројка да ја дуплираме, да ја направиме 500 илјади гласови. На 27-ми заокружете 3 и заокружете 1″, рече Пендаровски.