Донесовме одлука да ги продадеме машините, ако веќе не можеме да учествуваме во тендери, возврати денеска премиерот Заев на обвинувањата на лидерот на ВМРО ДПМНЕ Христијан Мицковски дека фирмата на неговиот брат била ангажирана во РЕК Битола.
„Пред два месеци донесовме одлука да се продадат овие машини, зошто ако немаат право да се јават на тендер, тие фирми немаат право да работат и како подизведувач“ – изјави Заев.
Премиерот нагласи вели штетите од вакви прес-конференци кои се нанесувале на неговата фамилија се големи, а тоа ќе се регулира преку судовите.
Реагираше и првиот човек на РЕК Битола. Ковачевски вели фирмите СВ Инвест од Битола и Тотал инженеринг од Струмица, не работеле, ниту во моментов работат како подизведувачи на ископ и транспорт на јаглен во РЕК Битола.
„Има неколку начини со кои многу лесно тоа може да се потврди, а тоа е преку записниците за изведување на работите, извештајот за работа на ПЕ Рудници, извештаите за влез и излез на лица, возила и опрема во Комбинатот. Со Мицкоски се согласуваме само за едно дека надлежните институции, а посебно Јавното обвинителство треба и мора да ги проверат неговите јавно изнесени наводи и да ја утврдат вистината.“ изјави Ковачевски.
Писмено преку соопштение, по првите обвинувања од страна на лидерот на опозицијата Христијан Мицкоски, демант испрати и фирмата Тотал Инжинеринг, и оттаму потенцираат дека севкупаната механизација која ја поседувале неодамна е продадена, и додаваат дека ниту пред продажбата, ниту после тоа, не била и не е ангажирана во ниту една постапка во РЕК или во која било друга државна институција.