Премиерот Заев по лидерската средба рече дека го информирал државниот врв за сите детали за преговорите со Грција кој се воделе со цела одговорност и посветеност на државните интереси.
„Владите на Република Македонија и на Грција разгговараа за опција и за решение кое може да биде прифатливо за двете страни. Република Илинденска Македонија е името за кое е можен компромис со Грција.На англиски: Republic of Ilinden Macedonia. Со овој предлог се зајакнува темелот на нашата Република, а Илинден значи историски контунуитет на нашите стремежи, нашата државност и гордост“ рече Заев, кој додаде дека со ова можно решение „го чуваме достоинството, го потврдуваме нашиот македонски идентитет и е гаранција и за мултиетничка Македонија“.
Заев упати порака и до Грција дека со ова решение се прави целосно разграничува со регионот Македонија во Грција од секој аспект.
„Илинденското востание е за социјални права и слободи и немаме никави територијални претензии кон ниту една соседна земја, вклучително и Грција. Потврдувам и јас и мојот народ дека немаме никакви територијални претензии и ги потврдуваме неменливоста на границата и почитување на наследството на грчкиот народ и на Грција“ рече Заев.
Во јули, Заев очекува Македонија да покана за НАТО што ќе ја гарантира безбедност и стабилност, а со решен спор како што ќе рече, ќе нема повеќе пречки и за членство во Унијата.
Во пакетот решение, јазикот останува македонски, идентитетот е гарантиран, а за кодовите останува МК и МКД.
„Заради гаранцијата за влез во НАТО и ЕУ и гаранцијата на нашиот идентитет ќе прифатиме севкупна употреба на името Република Илинденска Македонија“ рече Заев.
Спроведувањето на новото име за внатрешна употреба би се одвивало во фази, како што ќе напредува земјата во членството на ЕУ, а ќе се обезбеди преку рефрендум и уставни амандмани.
Целиот пакет треба да биде прифатен и од грчка страна.