Освен принципи и начела, нема ништо договорено, изјави премиерот Зоран Заев одговарајќи на прашањето дали она што е договорено во преговорите е Република Северна Македонија.
Тој не сакаше да коментира дали предлогот Илиндеска Македонија се уште е во игра.
-Нема ништо договорено и како по соопштија министрите за надворешни работи договорени се принципи и начела. Следува разговор со Ципрас, верувам вечерва, утре, до петок. Очекувам исчекор кој е многу значаен и ги следиме сите шпејулации во јавноста. Кога ќе има нешто, секогаш ќе споделиме, рече Заев, додавајќи дека разговорите се во финале. Она што беше објавено во јавноста како точки, не е нешто тајно. Тоа е темата на лидерската средба, но додадено е, тоа што некој сакал да го доде во делот на можни закани од СЈО, изјави Заев, на прес конференцијата по повод една година Влада.
На прашањето, по евентуано постигнување на договор со Грција, прво ќе следи ратификација во Парламентот со просто мнозиство, па дури потоа референдум, Заев рече дека тоа е само за да може Грција во меѓувреме да го извести НАТО и Македонија во Самитот во јули да добиле покана за членство.
-Граѓаните на референдум ќе ни дадат насоки, но граѓаните очекуваат лидерство, рече Заев.
Заев рече дека очекува да има големо мнозинство и поддршка и од граѓаните и од опозицијата.
На забелешките на претседателот Иванов дека не бил информиран за последните разговори, Заев рече дека Иванов досега детално е информиран за се, освен за средбите во Њујор и Брисел, за што денеска ќе има средба со министерот Димитров кој се враќа од посетата на Брисел.
Во врска со нон пејперот од Франција и Холандија во однос на проширувањето на ЕУ, Заев рече дека не е ништо ново, и дека е позната резервираноста на овие две држави кон проширувањето, и барањето за реформа на ЕУ. Но, како што рече Заев тоа не значи дека се против определување датум за почеток на преговорите.
Поставувањето на бројчаникот за украдените пари од земјата на Порта Македонија, според Заев зависи од завршувањето на судските процеси во државата, и најави дека се надева дека тој многу брзо ќе биде поставен.