Тоа што го знам дека овој човек, дипломат бил доста активен и во времето на ВМРО-ДПМНЕ, и на Антонио Милошоски и на Никола Поповски министерот, тогаш бил и назначен во ОБСЕ по различни линии, односно прво гледате дека е и активен човек во времето на ВМРО-ДПМНЕ, бил испраќан и понатаму на мисии. Тие се вработени луѓе во МНР, рече премиерот Заев.
Премиерот Зоран Заев денеска во врска со случајот на уапсениот македонски дипломат во Србија истакна дека секој што го прекршил законот треба за тоа да одговара, но, оти никој не треба да биде прогласен за виновен додека вината не се докаже. Се што државата ќе добие како информација, а ќе може да биде споделена со јавноста, како што нагласи, власта ќе ја сподели.
– Секако, прво треба никој да не го прогласуваме виновен додека тоа не се докаже. Но штом има прифатено меѓународна потерница тоа значи дека една држава веќе издала правен акт, тоа е Ерменија. И тоа е докажано само во таа држава. Во делот на меѓународната правна помош и на меѓународната регулатива наше е прво да го видиме предметот и да ги видиме доказите. Тоа се што знам јас е, на пример, од медиумите, затоа што ние немаме добиено предмет, немаме правно толкување на кои членови од законот во таа земја се прекршени и слично. И, навистина, не е мое да коментирам детали. Но, дефинитивно она што ќе кажам е дека секако секој треба да си одговара доколку го прекршил законот и дома и надвор од државата. Но, да оставиме прво да видиме за што навистина се работи, рече Заев во одговор на новинарско прашање.
Се работи, додаде, за една земја која што не ни е толку позната, не е некоја од соседството, не ги знаеме деталите.
Тој потенцира дека се почитуваат меѓународните стандарди и договори кои што постојат.
– Прво, како што нагласи, се работи за наш граѓанин и апсолутно ние секој наш граѓанин стоиме позади него се додека не ни достави некој материјали дека направил кривично дело надвор од државата спротивно на законите во тие држави каде што бил и сл. Втора работа што треба да се знае е дека дипломатите своите работи ги завршува дел дома во МНР и дел во нашите амбасади и тие се на ниво на амбасадор – советник, амбасадор – соработник и слично коишто работат во институциите. Тоа што го знам дека овој човек, дипломат бил доста активен и во времето на ВМРО-ДПМНЕ, и на Антонио Милошоски и на Никола Поповски министерот, тогаш бил и назначен во ОБСЕ по различни линии, односно прво гледате дека е и активен човек во времето на ВМРО-ДПМНЕ, бил испраќан и понатаму на мисии. Тие се вработени луѓе во МНР, рече премиерот Заев.
Тој додаде дека затоа сите детали коишто ќе стигнат од аспект на МНР ќе ги соопшти министерот за надворешни работи, а од аспект на министер за внатрешни работи и од министерот за правда во делот на истрагата.
Никој нема да биде оставен без учебници
– Будно ги следиме работите и секогаш сме подготвени за сите деца во четврто одделение, каде почнува дигитализацијата на наставата, да бидат обезбедени со електронски и печатени учебници. Никој нема да биде оставен без учебници, изјави денеска премиерот Зоран Заев.
Премиерот на прес-конференцијата во Општина Сарај, во одговор на новинарско прашање околу образовниот процес посочи дека голем дел од децата се обезбедени со смарт таблети, и со се што им е потребно, но испрати пораката дека ќе го следат целиот процес, и онаму каде што нема доволно, Владата ќе интервенира и ќе изнајде начин децата да се чувствуваат рамноправно.
-Дефинитивно, јас можам да потврдам дека онлајн наставата навистина дава можност да децата видат, се запознаат со материјата, визуелно да го осознаваат, на пример ако учат за врвот на некоја планина, ќе можат преку интернет да видат како изгледа таа, и дополнително да се информираат, додаде Заев.
Како што напомена премиерот, по сите анализи на квалитетот на образование е констатирано дека малку од знаењето останува кај децата, а целта е децата да излегуваат како генерација со многу посеопфатно и посуштинско знаење.