Утрово во 6 часот и 30 минути на влезот во Тетово, на клучката Југ, во близина на наплатната рампа кон Гостивар, се случи сообраќајна несреќа со трагични последици.
Како што информираше за НОВА, портпаролот на СВР Тетово, Марјан Јосифовски, на лице место загинал возачот, 19-годипниот Е.Ц. од Теарце, кој го управувал возилото марка тојота.
Загубил контрола над возилото по што тоа излетало од коловозот и се превртело, возачот набрзо починал, а со тешки телесни повреди се здобила сопатничката Б.И. од Порој, која по укажана лекарска помош итно била пренесена на скопските клиники и се наоѓа надвор од животна опасност.
Тројцата сопатници, сите на 19 годишна возраст А.Р. од Пршовце, Л.К. од Тетово и Ј.С. од Теарци се здобиле со лесни повреди и по укажаната помош во тетовската болница пуштени се на домашно лекување.
Направен е увид од Јавен обвинител и се преземаат сите мерки за расветлување на случајот, неофицијално младите луѓе се враќале матурска забава.