Заклетвата

Се заколна пред две библии.

Се заколна на етика и морал.

Со неподнослива леснотија го стори тоа.

Во прво лице еднина.

Избербати се’ живо и мртво.

Прогласи воена состојба.

Признава само еден маж и една жена,

а со Вилиџ пипл се журкаташе.

Се закани дека ќе избрка милиони мигранти.

Со декрет и ‘ја врати слободата на “заробената” нација.

Стопати новоизбраниот кажа јас па јас.

Светот молчеше и гледаше сеир додека обесправените исчезнуваа во маглата на апсурдот.

Неговиот избран народ во еуфорија аплаудираше на новиот владетел претворен во зомби пипл.

Мартин Лутер се превртуваше во гроб додека избраниот го враќаше достоинството на небелите.

Лутер имаше сон.

Овој има визија.

Крикот на невините немаше кој да го чуе.

Се’ се одвиваше во циркускат претстава во името на слободата и демократијата.

Парада од пијанство, заблуди, слепило и кич.

Добредојдовме во новото поглавје на апокалипсата!

Америка и се’ е можно!