Власта да го зголеми учеството на бизнис секторот во креирањето на законите, побараа сите три стопански комори во земјава. Барањето му го упатија на вицепремиерот за евроинтеграции Фатмир Бесими, со кого дискутираа за забелешките што Европската комисија ги нотираше во последниот извешта. А, една од забелешките на Брисел беше токму честата промена на законите во земјава.
„Честите законски измени без содветна комуникација со заинтерсираните страни, во конкретниот случај бизнис заедницата, е нешто што во следнит период треба, односно, ќе го подобриме“, рече Митко Алексов, Сојуз на стопански комори.
„Потпретседателот на владата не информираше дека во однос на ова прташање ќе постои и можност за задолжително консултирање на сите заинтерсирани страни во процесите на донесување на прописите, така што не би можело истите да се разгледуваат на седниците на Владата ако претходно не постои мислење од бизнис заедницата“, изјави Елена Милевска Штрбевска, Стопанската комора на Македонија.
На состанокот со вицепремирот Бесими стана збор и за европските фондови кои, покрај буџетските средства, им се достапни на македонските компании посебно во делот на иновативноста, конкурентноста и претприемништвото.
„Законските измени да бидат поусогласени со бизнис секторот и судството кое ќе обезбеди рамноправна правда за сите субјекти. Исто така, тоа што се дискутираше во насока на користење на фондови за иновации и креативност со цел бизнис секторот од домашната економија да биде поконкурентен на европскиот пазар. Дискутиравме за европските фондови ИПА 2 што е 73 милиони евра од 664 за 2014 – 2020 во делот на иновации и конкурентска способност што беше директно барање на бизнис секторот минатата година и на овој начин стана дел од оваа програма“, рече Фатмир Бесими, вицепремиер за евроинтерграции.
Од Стопанската комора на северозапдна Македомнија посочија дека и политиката игра големо влијание врз економскиот развој, посебно не членството во НАТО.
„Но прашањето на нашето членство во НАТО е политичко прашање за кое е потребна политичка волја и мислам дека тука има правење на митови околу ова прашање и тоа треба да се демитологизира, а тоа треба да го направи МАНУ без да го запостави албанскиот политички фактор, бидејќи ако зборуваме за важно прашање околу статусот на државата, не можеме да речеме дека овој проблем е само нечиј“, рече Мендере Кучи, Стопанска комора за северозапдна Македонија.
Бизнис секторот бара и подобрување на структурата на пазарот на трудот – како продуцирање на кадри кои се соодветно подготвени и квалификувани за потребите на реалниот сектор.
извор: Алсат ТВ