Согласно Законот за враќање на дел од ДДВ кај физичките лица, започна исплата на парични средства за јули, август и септември 2021 година, односно третото тромесечие.
Од Управата за јавни приходи за Нова ТВ велат дека согласно член 8 од Законот за враќање на дел од данокот на додадена вредност на физичките лица, врши враќање на данокот на трансакциска сметка на физичкото лице по службена должност во рок од 60 дена по истекот на календарското тримесечје во кое е издадена фискалната сметка.
– Согласно наведеното, Управата за јавни приходи започна со реализација на исплатата на дел од данокот на додадена вредност искажан во фискалните сметки за купени добра или користени услуги кои граѓаните ги скенирале во третото тримиесечје од 2021 година односно во месеците јули август и септември 2021 година, велат од Управата за јавни приходи.
Од таму потсетуваат дека секој граѓанин на својот корисничкиот профил на Е-ПДД може да изврши увид во состојбата за исплата на парични средства по основ на МојДДВ.
Управа за јавни приходи известува дека во третото тримесечје од 2021 година (јули, август и септември), преку апликацијата МојДДВ скенирани се 74.316.243 фискални, вкупниот промет за ова тримесечје изнесува 38.572.121.987,00 денари.
Управата за јавни приходи апелира до граѓаните да ги проверат своите трансакциски сметки, и доколку има грешки во истите, да ги коригираат со цел навремена и ефикасна исплата.
И.Р.