Материјалите се натоварени на данските бродови кои треба да завршат кај американската морнарица, кои ќе го уништуваат оружјето во морските води, соопштуваат од ОН.
Околу заедничката мисија на ОН и Организацијата за забрана на хемиско оружје, се соопштува дека во вторникот материјалите се преместени од две места до пристаништето Латакиа а потоа товарени на дански брод.
„Започнувањето на транспортот е многу важен чекор, како дел од планот за целосно отстранување надвор од територијата на Сирија“, изјави Мемет Узумку, генерален директор на Организацијата.
„Ја охрабрувам сириската Влада да се држи на ветеното, и да го отстрани преостанатиот дел, безбедно и навремено, за да можат да бидат уништени надвор од Сирија што е можно побрзо“, надополни тој.
Кина, Данска, Норвешка и Русија ќе помогнат при поморската безбедност на товарот.
Отстранувањето беше закажно пред 31.декември, но влошената состојба во Сирија, проблемите со логистиката и лошото време, ја презакажаа операцијата.
Според планираното, хемикалиите ќе бидат преместени од сириското пристаниште Латакиа до пристаниште во Италија, каде што потоа ќе биде транспортирано на американските бродови на морнарицата која што пак ќе го уништува оружјето во морските води.