Повеќе стотици граѓани денеска се приклучија на протестниот марш што во Скопје го организира Движењето за реформи ДПА и Здружението на поранешни политички затвореници и прогонети Албанци во Македонија, Организацијата на воени ветерани на ОНА и други граѓански организации.
Учесниците носат албански и американски знамиња и транспаренти на кои се испишани пароли за случајот Монструм и се повикува на запирање на сите монтирани процеси. Пред колоната се движи возила од кое на разглас се порачува „Стоп за овој систем“ и „Стоп за монтиртаните случаи“ и извикуваат „Не сме Индијанци“, „ Не сме јагнињата на Али“, „Албанијо каде се, Илирида ти е во пламен“.
Протестниот марш од Бит пазар се движи кон Собранието, каде е најавено и обраќање.
Организаторите во повикот на протест побараа владеење на правото, департизација на институциите и целосна еднаквост на Албанците и Македонците.