Започна средбата на Заев и Ципрас во Давос

Владата на Република Македонија преку соопштение ја информираше јавноста дека штотуку започна средбата меѓу премиерот Зоран Заев со грчкиот премиер Алексис Ципрас на Светскиот економски форум во Давос.

Се очекува двајцата премиери да разговараат за спорот со името, средбата се уште трае, а ќе следуваат и изјави од Заев и Ципрас.

Премиерот на Македонија, Зоран Заев и премиерот на Грција, Алексис Ципрас, изминатава недела дадоа позитивни мислења дека рамката на можности е отворена, а неодамнешните протести во Солун не би требало да претставуваат никаков посериозен проблем во ставот на Грците, бидејќи истиот беше организиран екстремни и радикални движења без поддршка на грчките политички фактори.