Прашината и речиси неподносливиот звук на градежни машини е секојдневие на станарите кои живеат во кулите спорти хотелот Бристол. Но, утрово се запалил посебен аларм кога виделе дека работницитеправат дупки за ограда веднаш до носечките столбови на нивната зграда.
-Ме повикаа соседите, бидејќи јас сум претседател на куќниот совет, и кога излегов што да видам, околу 15 работници се собрале и бушат дупки во столбовите. Ги прашав дали имаат дозвола, велат имале во канцеларијата, а морале да бушат бидејќи правеле ограда за да се заштитат, објаснува преседателката Јасмина Петковска.
Животот на овиелуѓе е пекол откако се донеле измените во урбанистичкиот план. Големата дупка која сега ја сметаат и за закана за нивната безбедност, а не само на нивниот спокој наскоро ќе стане десеткатница во неокласичен стил каде ќе се смести администрацијата. Од другата странаќеникне нова катна гаража. Велат, не можат да повикаат ниту брза помош.
“Ние сме веќе свесни дека сето ова ќе се изгради и заврши, но си ги бараме нашите права. Во моментов овде не може да пристапи ниту Брза помош, ниту пожарна, а не можеме да го обавуваме и редовното чистење на шахтите веќе со месеци бидејќи немаат пристап”, објаснува Петковска.
-Згора на се ни велат да не се секираме, ќе биле убави зградите. Им велиме нека дојдат тие да живеат овде ако се толку убави, а тие велат не сме се разбирале ние во убави згради.
Претседателката на куќниот совет вели дека уште кога разбрале дека се подготувваат измени во урбаснистичкиотп план тие собирале потписи и барале од локалната власт да не им се нарушува спокојот. Но сето тоа било бадијала.
Погледнете повеќе во видеото погоре.