Студентите ги поканија сите граѓани на 1 ноември, на годишнината од трагедијата, да дојдат во Нови Сад на најголемиот собир во историјата на Србија.
Завршија комеморативните собири низ цела Србија по повод одбележувањето на 11 месеци од трагедијата и во спомен на 16-те жртви кои смртно настрадаа од падот на настрешницата во Нови Сад.
Студентите ги поканија сите граѓани на 1 ноември, на годишнината од трагедијата, да дојдат во Нови Сад на најголемиот собир во историјата на Србија.
Пред да почне 16-минутното молчење во спомен на 16-те жртви од паѓањето на настрешницата на железничката станица во Нови Сад, студентка порача дека алчноста ја довела Србија во сегашната состојба
„Оваа ситуација во општеството и во државата може да се поправи. Првиот чекор кон тоа е поддржувачите на таа корупција да бидат отстранети од јавните позиции и луѓето да разберат дека судбината зависи од секој од нас. Не од неколку избрани претставници, туку од сите нас заедно. Нашата судбина зависи од нашата подготвеност да ги контролираме оние што ги избравме, оние на кои им доверивме да ја водат нашата земја“, рече студентката за време на одбележувањето на 11 месеци од трагедијата во Нови Сад.
Таа рече дека студентите во блокадата им порачуваат на луѓето од Србија да продолжат да дејствуваат солидарно.
„Само со заедничко дејствување ќе можеме да постигнеме промени во општеството“, рече студентката.