Заврши дебатата за уставните измени во Комисијата за уставни прашања.
Во реплика до пратеникот од ВМРО ДПМНЕ Димитар Стевананџија, премиерот Зоран Заев кажа дека ,,си играме играчки ако мислиме дека ќе има подобар договор“.
-Со каква леснотија се откажуваме од европска перспектива на земјата за да не додадеме географска одрдедница на името – со оваа одредница имеод говорницата се обрати то Македонија останува и ова се прави само затоа што има делови на Македонија и во Грција и Бугарија, рече Заев.
Заев истакна дека има околу 25 пратеници од ВМРО ДПМНЕ кои се свесни и сакаат да понесат одговорност.
Димитар Стевананџија од ВМРО ДПМНЕ рече дека ниту еден пратеник од неговата партија нема да гласа за уставни измени.
-Ве демантирам – ниту еден пратеник од ВМРО ДПМНЕ нема да гласа, рече тој, додавајќи дека подобро да има избори и да се изгубат неколку месеци отколку да се изгуби како што рече ,,уставното, библиско име на државата“.
Во претходната расправа денеска Самка Ибраимовски од ПЦЕР кажа дека ќе гласа за промена на Уставот, не затоа што сака, туку затоа што тоа сака ромскиот народ да живее поубаво.
До пратениците на ВМРО ДПМНЕ упати порака да не ставаат пречки на патот кон ЕУ и НАТО.
-За првпат не канат во европскиот дом, и не треба да ја пропуштиме оваа шанса. На големите патриоти им порачувам какви се тие патриоти кога за Македонија „душа даваат“, а рака во буџет ставаат“, рече Ибраимовски.
За референдумот рече дека бил натпревар во кој едната страна одлучила да не учествува.
-Тие што не учествуваат го губат натпреварот 3:0, а тие не излегоа затоа што се плашеа дека ќе го изгубат 10:0, рече тој.
Премиерот Зоран Заев ја повика опозицијата уште еднаш да размисли пред гласањето на собраниската седница која е закажана за понеделник.
-Јасна е позицијата на опозицијата, вие сте против, но кажете како понатаму, кажа Заев. „Јасно е дека без опозицијата не можеме да го смениме Уставот, но има ли нешто што може да не сплоти, дали сите сме на ниво на историската одговорност“, додаде тој.
Заев напомена исто така дека е јасно дека не се исполнети двата кумулативни услови на референдумот и затоа референдумот беше консултативен, а одговорноста е кај институциите.
-На сите им е јасен правниот аспект, но кажете што правиме со државата, рече Заев.
Последен од говорницата се обрати министерот за надворешни работи Никола Димитров.
Во моментот членовите на Комисијата ги пишуваат заклучоците од расправата, кои потоа ќе се гласаат во Комисијата и ќе му бидат поднесени на Собранието.