Со паролите „Долу режимот“, „Грујо оди си“, „Стоп за диктатуратаво“, „Македонија нема да има тиранија“, здружената опозиција го изрази неззадоволството за како што велат убивањето на демократијата и слободата.
„Отпор против партиско-полицискиот режим“ беше мотото на денешниот мирен протестен марш, насочен кон МВР од каде што, како што се вели, излегуваат сите закани, одлуки и наредби за бркања, влечења новинари, пратеници и партиско-полициски чистки.
Неколку десетици илади граѓани, маршот го започнаа од „Тафталиџе“ во близина на Веро, од улицата „8ми септември“, продолжи по „Теодосиј Гологанов“, по „Рузвелтова“, по „Народен Фронт“, по „Васил Ѓоргов“, по „Железничка“ па се до Министерството за внатрешни работи, односно како што велат од „“Сојузот за иднината“, пред институцијата која дозволи да биде злоупотребена и наместо да работи за граѓаните и за демократијата, одработи за партијата.
“ Што беше, беше. Доста е! Се разгоре слободарскиот дух на овој народ против киндаперите на нашата држава. Триесет и четири дена ширум Македонија ечи, грми гласот на народот. Седум години гледавме како на најрасипнички начин ги трошите нашите народни пари. И за што? З
– За поленење на вашите пералници на пари, за лечење на вашите комплекси и фрустрации. Живеачката станува секој ден сè потешка и потешка ” изјави лидерот на СДСМ, Бранко Црвенковски на денешниот протест на опозицијата .
Mинистерката за внатрешни работи, Гордана Јанкуловска, изјави дека секој има право да протестира , ако смета дека треба.”На оние е што денеска протестираат, не им е прв пат својот револт или омраза кон поединци или политичка нетрпеливост да го проектираат на институции што е една лоша и недолична практика која ретко каде може да ја најдете” изјави Јанкуловска.
Здружената опозиција во наредните денови продолжува со блокирање на клучни раскрсни, за како што велат „Стоп за убивањето на демократијата и слободата“.