Киднаперот и двоeн убиец Здравко Кенѓелиќ уапсен е на Славонската авенија во Загреб, потврди полицијата. Наводно и се предал на полицијата, а киднапираната жена Ана П. е ослободена и не е повредена.
Автомобилот во моментот на апсењето го возела киднапираната жена, во моментов во тек е увидот.
Сопругот на киднапираната Ана, Здравко Патачко за новинарите изјави дека се слушнал со сопругата и дека таа не е повредена, му рекла дека Кенѓелиќ не бил агресивен кон неа. Киднаперот и Ана кон Загреб тргнале во утринските часови, а претходно веројатно се криеле на подрачјето на Подравина.
Целиот случај беше сплет на несреќни околности. Во раните претпладневните часови Кенѓелиќ крадел во Лидл па се искарал со обезбедувањето и побегнал. Полицијата го начека во заседа кај куќата во 17 часот и тука го чекале. Кога почнала пукотницата во улицата, Ана стигнала дома со деветгодишната керќа и го паркирала автомобилот на влезот во дворот. Киднаперот дошол до нејзиниот автомобил, го турнал девојчето и со неа побегнал во непознат правец. Покрај деветгодишната ќерка Ана има и 17-годишен син.
Киднаперот во Ѓурѓевац бил потстанар, а неговиот станодавец Андрија Фучек рекол дека во неговата куќа бил од 3. јануари 2011. година. Тврди дека на почетокот Кенѓелиќ уредно му плаќал, но потоа престанал редовно да ги плаќа трошоците и станарината.
Хрватските медиуми јавуваат дека според нивните сознанија последните месеци тој се почесто зборувал за нова свеска војна и за уништување на светот. Луѓето се плашеле од него, велел дека во затворот му било поубаво отколку надвор.
Драмата започна синоќа во Ѓурѓевац околу 18.45 кога со закана кон полицајците Здравко Кенѓелиќ испука неколку куршуми кон полицијата и побегна. Го запрел автомобилот кој наишол во кој што била 39-годишната Ана и се упатил во непознат правец. Потрагата која траеше цела ноќ заврши утрово.
Хрватски „Вечерњи лист“ ексклузивно дознава дека Кенѓелиќ 2010. година бил депортиран од Германија каде отслужувал казна затвор од 14 години поради двојно убиство. Колку што е познато тој нема семејство.
Кенѓелиќ во понеделникот на својот Фесјбук профил напишал „Војната започна! Па ако јас, тогаш и сите“.