Завршува ЕУ проектот „РЕАД“: Книжевноста поврза пет земји, произведени бројни изданија, автори, фестивали, промоции

Денеска се одржува Конференцијата за добитниците на суб-грантови од проектот „Регионална мрежа за културна разновидност“ – РЕАД, а воедно и завршна конференција на целиот проект. Проектот е финансиран од ЕУ кој имаше за цел преку културна размена во областа на книжевноста да поврзе 5 земји.

На Конференцијата се поделија видливите резултати од 4-годишниот обемен проект, кој остави траги во регионалната културна сцена меѓу 5 земји. Регионалниот проект опфати иницијативи од земјите: Северна Македонија, Албанија, Косово, Србија и Турција.
Дел од резултатите се:
 92 грантови на регионални граѓански организации,
 13 изданија на литературни фестивали,
 457 автори, преведувачи и активисти присутни на фестивалите,
 57 преведени книги и нивни промоции,
 39 регионални работилници за млади,
 30 автори кои имаа едномесечен резиденцијален престој во една од земјите учесници,
 и преку 15.000 луѓе беа допрени преку проектот “READ на тркала”,
 но и многу други бројки беа споделени на завршната конференција на 4-годишниот
регионален ЕУ проект – READ (Регионална мрежа за културна разновидност).

На самата Конференција официјално се обратија ЕУ Амбасадорот Дејвид Гир, Амбасадорката на СР Германија Петра Дреклсер, раководителката на Гете-институт Скопје во Македонија Катрин Оствалд – Рихтер, како и проект менаџерот Марија Чорбева – Пеновска. Исто така учество земаа раководителите на партнерите на проектот Бујар Лума од ЦБЦ Лоја, Северна Македонија, Маја Вуковиќ Бисерко од Крокодил, Србија, Ирена Точи од Албанија и Мехмет Демирташ од Турција, авторите Ѓоко Здравески поет од Македонија како и поетесата Радмила Петровиќ од Србија. Дел од темите беа и “Вештачката
интелигенција и издаваштвото”, “Достапни фондови за финансирање на проекти за млади“, како и “Зацврстувањето на културата преку соработка на владиниот и невладиниот сектор”. „Проектот РЕАД го постигна токму тоа што вообичаено го прават книгите, отвори нови канали за комуникација меѓу културните актери во регионот и нови видици за соработки и партнерства на културен план.“ – Велат од Гете-институт Скопје
Регионалниот ЕУ проект РЕАД имаше за цел да промовира вештини за читање меѓу рaзличните култури и демократски вредности преку зголемување на интересот за читање, ставајќи на располагање висококвалитетни книжевни дела од регионот.
Конференцијата се одвива три дена 5-7 јуни, во Холидеј Ин во Скопје.