Здравствената состојба на легендарниот возач на Формула 1, Михаил Шумахер и понатаму е непроменето. Тој е во кома по операцијата на главата поради падот при скијаење.
Попладнево од Унивезитетската болница во Гренобел, каде му беше извршена операција на главата при што му беше отстранет еден тромб, велат дека повеќе нема да даваат информации за неговата здравствена состојба. Следната прес-конференција е закажана за утре.
Михаил Шумахер (44) по вчерашниот пад од скиите во француското место Мирабел се бори за живот во болница во Гренобел. Тој заедно со син му скијал надвор од стазата и под се уште неразјаснети околности паднал и со главата удрил во камен, но за среќа носел кацига.
Кога пристигнале спасувачите тој бил при свест, но во Гренобел бил донесен во кома.
„Повредата на главата е многу тешка. Неможеме да бидеме сигурни за неговата иднина. Опериран е еднаш во текот на ноќта, од мозокот му е отстранета згрутчена крв“, потврди професорот Жан-Франсоа Пајен кој го оперирал Шумахер.
Инаку Шумахер во Мирабело бил со семејството на одмор во својата викендичка. Неговата сопруга и децата се цело време покрај него.
Семејството на седумкратниот светски шампион им се заблагодари на сите за поддршката, која пристигнува како од спортската така и политичката јавност ширум светот, поддршка им изрази и германската канцеларка Ангела Меркел.