Поранешниот генерален секретар на Владата Мухамед Зеќири, останува во притвор во затворот Шутка, потврдија од Кривичниот совет.
„Кривичниот совет на одделението за организиран криминал и корупција, постапувајќи по жалба на одбраната на осомничениот М.З. во однос на решението на судија на претходна постапка, денеска одржа јавна седница во присуство на странките, по која ценејќи ги фактите приложени во жалбата, донесе решение со кое го потврди решението на претходна постапка со измени во основите кои постојат за определување на мерката притвор. Односно, советот го преиначи решението на претоходна постапка на начин што ја укина точна 3 од чл. 165 ст.1, односно можност обвинетиот да го повтори делото“, е наведено во официјалното соопштение.
„Како што судот веќе извести, судија на претходна постапка, одлучувајќи по предлог на ОЈО ГОКК за определување мерка притвор, на 08.04.2022 година донесе решение со кое го прифати предлогот и на осомничениот му определи мерка притвор во траење од 30 дена заради постоење на основите од чл. 165 ст.1 т.1,2 и 3 од ЗКП“, посочуваат од институцијата.
Обвинителството во петокот соопшти дека е отворена истрага против генералниот секретар на Владата, Зеќири и двајца хрватски државјани, за наводна штета на буџетот од скоро милион евра. Истрагата е отворена поради сомнеж за незаконски договор за консултантски услуги, кој се однесувал на приватизација на Македонски Пошти.
Зеќири си поднесе оставка од функцијата генерален секретар на Владата, и заедно со адвокатот се појави во судот. Нему судот му одреди притвор во траење од 30 дена