Жерновски нема да го дислоцира споменикот на бранителите
Новоизбраниот градоначалник на општина Центар Андреј Жерновски денеска се поклони пред споменикот на бранителите во центарот на градот.
Во оваа прилика Андреј Жерновски соопшти дека нема намера да го отстранува споменикот на бранителите во центарот на градот демантирајќи ги тврдењата на здружението Бедем кое во отворено писмо го предупреди Жерновски да не ги дислоцира спомениците.
Жерновски изјави дека ги почитува сите кои се вложиле за одбрана на Македонија, а остави простор, по ревизијата на проектот Скопје 2014, дел од останатите споменици на кои местото не им е во Центар, да бидат дислоцирани.
Градоначалникот на Центар засега не ги коментира најавите на одредени градежни компании дека ќе го тужат заради прогласениот мораториум на проектот Скопје 2014.