Градоначалникот на општина Центар, Андреј Жерновски денеска ја поддржа иницијативанта на Асоцијацијата на за протестот во петок, под наслов „Гушкање на ГТЦ“. Жерновски и претставничките од Асоцијацијата по средбата утрово за медиумите ги коментираа намерите на надлежните да ја променат фасадата на ГТЦ во барок.
-Нема трошка вкус во идејата и ГТЦ да биде преоблечено во барокна облека. Архитектот кој го обмисли ова решение нема идеи, туку само спроведува наредба или си ја продал душата на ѓаволот, вели Сања Раџеновиќ од Асоцијацијата на архитекти.
Даница Павловска која е претседателка на Асоцијацијата истакна дека очекува ваква поддршка да добие и од градот Скопје, како што тоа го сторила општина Центар и делумно директорот на ГТЦ.
„Градскиот трговски центар е историски поврзан со идентитетот на градот. Ја давам мојата поддршка како градоначалник, но пред се како граѓанин“, изјави по средбата градоначалникот на Центар, Андреј Жерновски.