Екипата на НОВА разговараше со гласач во Центар кој доаѓа од Пустец. Придружникот на гласачот ја нападна и се заканува на екипата на НОВА.
Не зборува убаво македонски и не ги разбира убаво нашите прашања, не е сигурен за кого гласал, ниту каде гласа, ниту пак, каде точно живее; вака отприлика разговараше со новинарските екипи гласачот од Пустец, односно од општина Центар. Своето гласачко право го искористи во гласачкото место во домот на градежници спорти гимназијата Јосип Броз Тито во центарот на Скопје. Личната карта на Вангел Јанкула му е издадена точно на 30 Јануари.
Признава дека е од Пустец, но твди дека од пред две години, решил сам, без семејството од сиромашниот предел на Преспа, Албанија да се пресели во центарот на македонската метропола.
Откако гласаше, жителот на Пустец, односно Центар, излезе надвор каде го чекаше помлад човек во своите триесетти кој откако го праша Вангел дали гласал и дали е се во ред, заедно тргнаа пеш кон аголот кај книжарницата Матица каде ги чекаше возило кое ги однесе во непознат правец.
Младиот човек забележа дека на новинарот на НОВА го следи гласачот и ја нападна екипата. Од нив бараше да прекинат да снимаат и се закануваше мафатајќи со својот чадор во лицето на новинарот на растојание од 2 сантиметри, а на два пати ја дофати новинарката за рака во обид да и ја земе камерата. Но, набргу дојде возилото кое ги чекаше и заминаа во такво брзање, што стариот гласач речиси и ќе паднеше од колата.