Синдикалниот лидер Живко Митревски не почувствува за потребно да објасни зошто на вчерашните протести не излезе пред стечајците, туку својот став го прати во писмена форма преку соопштение. Додека стечајците го повикуваа да излезе пред зградата на ССМ, тој задлабочен од својата фотеља им напиша писмо во кое им соопшти дека проблемот на стечајните работници, настојувал да биде решен на начин што ќе се обезбеди заштитита на оваа категорија на работници.
-Немам да кажам ништо повеќе, нашиот став е содржан во вчерашното соопштение, изјави денеска кратко за НОВА, Митревски.
.jpg)
Стечајците соопштението не го ни прочитаа, ги искинаа листовите хартија што им ги прати синдикалниот лидер, Митревски. Кој е всушност Живко Митревски првиот синдикалец во државата, човекот кој не им се придружи на стечајците, а тврди дека да ги застапува правата на работниците.
-Очигледно е дека Митревски не стои зад интересите на стечајците како поранешни членови на Сојузот на синдикатите. Не само што требаше да се симне меѓу стечајците, туку требаше да застане рамо до рамо со нив, да ги подржи, вели за НОВА Драги Јовановски експерт за трудово право и поранешен кандидат за претседател на ССМ.
Јовановски тврди дека е спорен и изборот на Митревски за претседател, за што се води и судска постапка во македонските судови..
-Претседателот може да го избере и разреши само конгрес, а неговиот избор беше направен на нелегитимен состанок во хотелот Континентал. Во 14 часот беше регистриран во Министерството за труд и социјала, а веќе во 15 и 30 го покажа решението дека тој е новиот претседател на ССМ, вели Јовановски.
И Марјан Ристевски од Конфедерацијата на синдикални организации смета дека Митревски не само што не ги застапува интересите на работниците, туку и вешто соработува со власта.
-Единствено што му честитам на Митревски е што успева да игра со сите влади. Тој беше во раководството ССМ во 2001 –ва година кога излезе јавно на прес конференција и го повика членството да дадат подршка на СДСМ. Сега пак, гледаме што се случува. Тоа покажува колку добро игра во зависност од тоа како се менуваат партиите на власт, изјави Ристевски за НОВА.
.jpg)
Митревски постојано се правда дека работи стратешки да нема масовни отпуштања од работа, намалување на платите и зголемување на пензиската граница. Но класните разлики се се повеќе нагласени. Додека од една страна основната загарантирана плата е 130 евра, највисоката плата е 83 000 евра, а во државата дури 20 проценти од населението се богати луѓе. Од друга страна дури 80 000 илјади луѓе живеат со плата од 8050 денари.
Статистиката покажува дека луѓето, особено младите се повеќе ја напуштаат државата, а социјалните права се на многу ниско ниво.
-Ние стоиме на располагање со сите промени во законодавството, работиме на заштита на правата на работниците изјави во интервју за НОВА, Живко Митревски на Меѓународниот ден на трудот.
Митревски тогаш потенцираше дека нема мешање на политиката во ССМ, и објасни дека ССМ нема да се приклучи на протестите на синдикалните движења во Европа.
-Во Луксембург има сериозни проблеми, 30 проценти од работниците се избркани од работа. Во Македонија ќе има протести доколку се намалат платите, се бркаат работници од работа, доколку се зголемат пензиските граници, изјави Митревски во интервју за НОВА.
Еве дел од разговорот со Митревски, токму на оваа тема.