НАТО ја цени посветеноста на Република Северна Македонија како најмлада членка во Северноатлантската алијанса и поради тоа што го финализира военото интегрирање за кусо време по зачленувањето и поради придонесот во мировната мисија на Косово. НАТО ја гарантира вашата безбедност и безбедноста на вашето небо и тоа е дел од принципот на солидарност. Ова го нагласи генералниот секретар на НАТО , Јенс Столтенберг во рамки на заедничката изјава со премиерот Димитар Ковачевски , кому ова е прва официјална посета на Брисел по назначувањето на функцијата.
Столтенберг нагласи дека една од темите на разговор била состојбата за и околу украинско-руската граница трупањето на воени трупи од страна на Русија,нешто што се совпаѓа со нуклеарните вежби кои Русија ги почнува во моментот. Столтенберг зборуваше дека и НАТО има распоредено околу 8.500 воени трупи но дека исто такво распоредување треба да има кон северниот дел на Алијансата. Столтенберг ги соопшти позициите дека ја повикувата русија на деескалација и враќање на дијалогот .
– Сакаме да најдеме политичко решение за кризата но вие мора да бидете подготвени за најлошото, му рече Столтенберг на Ковачевски.
Премиерот Ковачевски ја поздрави можноста што денеска е во Брисел и што е во непосреден контакт со претставниците на НАТО. Истакна дека со тоа што НАТО ја практикувало полтиката на отворени врати Северна Македонија денеска е членка на Алијансата и дека за нас тоа значи безбедност , просперитет и сигурност. Во контекст на нашата позиција за и околу Украина, Ковачевски рече:
– Ние се приклучуваме кон апелите на НАТО, Русија да деескалира и да го продолжи дипломатскиот дијалог. Ги поддржуваме напорите на НАТО за тематски дијалог со Русија во насока на намалување на безбедносниот ризик и за контрола на оружјето и го поддржуваме територијалниот интегритет и суверенитет на Украина во меѓународно признатите граници, изјави Ковачевски, дополнувајќи дека:
– Како сојузници ние сме силни, одлучни и обединети во нашата реакција. Македонија останува целосно посветена на основачкиот договор од Вашингтон како и на фундаменталните вредности и принципи на Алијансата, заклучи премиерот Ковачевски.
По средбите и активностите во НАТО, македонската делегација предводена од премиерот Ковачевски а во која се и вицепремиерот зе европски прашања Бојан Маричиќ, министерката за одбрана Славјанка Петровска, министерот за надворешни работи Бујар Османи, попладнево е на средби со претставници на ЕУ а прва на агендата е онаа со претседателот на Советот на ЕУ , Шарл Мишел а потоа и со претседателката на Европскиот Парламент, Роберта Метсола.
(М.Т.)