– Македонија е веројатно единствената земја во демократскиот свет, ако можеме воопшто да зборуваме за демократија во Македонија, каде полититичките партии кои извадоа листи на овие избори не сакаат дуели, дебати и не сакаат да комуницираат на темата предизборни програми и што им ветуваат на граѓаните, рече денеска пред новинарите Љупчо Зиков.
Претседателот на Алијансата за Позитивна Македонија апелираше за фер третман во текот на изборниот процес, и побара дебата организирана од Националниот демократски институт помеѓу сите 14 политички партии-учесници во изборите.
– Коалицијата за Позитивна Македонија е единствената партија која овие денови зборува за конкретни проекти кои им ги ветува на граѓаните и тоа во услови кога другите две политички партии ВМРО ДПМНЕ, СДСМ, ДУИ И ДПА, шират говор на омраза и прават деструкција на политичкиот простор и на политичкиот пазар во Македонија, рече тој.
Три дена пред молкот АПМ повикува на дебата за програмите и на отчет за тоа како ќе се реализираат ветувањата кон граѓаните.
– Ќе отвораме многу работни места, илјадници нови компании, на сите лидери устите им се полни за тоа како ќе ги отвораат работните места во една година, две години, четири години. И ние тоа го зборуваме во Коалицијата за Позитивна Македонија и заради тоа што имаме аргументи за тоа како ќе го правиме тоа, сакаме да ги слушнеме, да дебатираме а граѓаните да ги слушнат аргументите за тоа кој како тоа ќе го направи заради тоа што македонските граѓани и по 23 години демократија не заслужуваат да бидат перманентно лажени со лажни ветувања. посочи лидерот на партијата. .
Според него, конкуренцијата на политичкиот простор е голема и не може да се суспендираат листите на другите партии.
– Затоа му порачуваме на Институтот да не влегува во филмот на ВМРО ДПМНе и СДСМ, и ДУИ и ДПА организирајќи ја оваа дебата и оставајќи им само нив простор да кажат што имаат да кажат и да ги суспендира другите убави идеи.
Тој потенцираше дека КПМ покажала дека има големи идеи за Македонија и дека сакаат да дебатираат без фрустрација и комплекс „монополистите на политичкиот простор: ВМРО ДПМНЕ , СДСМ, ДУИ И ДПА“.