Златна мравка 2013 за највлијателните Албанци од Македонија

На манифестацијата „Достигнување на годината-Милингона е арт 2013“ (Златна мравка 2013) на 5-ти март во девет категории, ќе се избираат највлијателните Албанци.

Наградите во разни категории ќе се доделат за работата, делата а најмногу за големото влијание кое го имале кај публиката, или пак вовеле нешто ново во општеството во текот на претходната година.

Според организаторите ова е можност македонската јавност да забележи, кој е придонесот на Албанците во Македонија, во полиња надвор од политиката, а кои сите би требало да не прават горди.

Освоени први места, златни медали, објавени важни научни и други изданија, се дел од достигнувањата на номинираните, како и добиени меѓународни награди, изложби и претстави.

При изборот на добитниците 50% од гласовите ќе бидат од публиката и 50% од професионалното жири.

На церемонијата која ќе се одржува во „Сити Хол„ ќе се доделат и уште две други награди:
Една за животно дело и наградата „Промотер на албанските вредности“, која се доделува на не албанци, кои придонесуваат за поголемо познавање на албанските достигнувања во Македонија.

Манифетацијата „Милингона е арт„ се организира по втор пат, а добитниците ќе добијат статуетка која е прелеана во 24 каратно злато.

Во категоријата за достигнувања на годината на институциите со влијание во културата, номинирани се: Центар ОДА, Национална Галерија на Македонија, Албански Театар Скопје, КИЦ како и Тетовски Театар.

За достигнувања во музиката: Туна, Бесјана Мехмети и Шкодран Толај, Адриан Гаџа и Флоријан и Венера Лумани.

Во категоријата за достигнување на годината во полето на визуелната уметност за наградата ќе се натпреваруваат: Нафи Јашари и Џелил Руфати, Афердита Кики, Таби Азири, Осман Демири и Енкел Дика.

Во достигнувањата на спортот, номинирани се петмина. Помеѓу нив: каратистот Берат Јакупи, атлетичарката Сермедие Латифи, велосипедистот Бленд Троци, боксерот Фатлум Жута како и џудистката Блерина Сефери.

Амернис Нокшиќи, Бајруш Мјаку, Џевдет Јашари, Зарие Јонузи – Ѕака, Луран Ахмети и Рефет Абази ќе се натпреваруваат за статуетката од полето на достигнувањата во изведувачките уметности – сценска уметност.

Во достигнувањето на годината во изведувачките уметности – класична музика номинирани се: „Гудачко трио – Косова“, композиторот Фатос Лумани, диригентот Јетон Пустина како и виолинистот Џафер Џафер.

Во сферата на достигнувањата од полето на медиумите, номинирани се: „Патот кон…“, „Pizzicato“, дневниот весник „КОХА“, „Халкит“, „Без граници – (Радио Скопје)“ како и „3T (КОХА ТВ)“.

Во осмата категорија, за Талент на годината, номинирани се Сенад Рахмани, учесник во X-Factor Албанија, атлетичарката Фиторе Куртиши, соло-пејачот Исмет Вејсели и режисерот Ханис Багашов.

За научни публикации, книжевност и публицистика, номинирани се Резарта Река, Пунторие Зиба Муча, Ким Мехмети, Фатмир Сулејмани, Агим Рушити како и Јелдез Аслани.

Настанот е организиран со поддршка на Т-Мобиле, Уника, Унија Финансиска Скопје, Универзитет Американ Колеџ Скопје, Гемак и Вилсон Скул.