Годишницата од смртта на претседателот на владата на Сбрија и лидер на Демократската партија, Зоран Ѓинќиќ, кој беше убиен во атентат 2003. година, во Србија ќе биде одбележана со низа манифестации.
После 11 години од убиството неговите политчки наследници не можат да се договорат – чиј е денеска Зоран Ѓинѓиќ.
Во актуелната кампања на Демократската партија има спот со изјава на Ѓинѓиќ, ЛДП користи кокументарни материјали во кои граѓаните го молат Јовановиќ „да не го изневери Ѓинѓиќ“, додека Тадиќ изјавува дека „Ѓинѓиќ би бил згрозен кога би ја видел снимката на својата партија“.
Тоа се случува во предизборните кампањи во Србија, а кој беше Ѓинѓиќ… Тој беше првиот демократски избран премиер на Србија, по падот на режимот на Слободан Милошевиќ.
На власт дојде по парламентарните избори во Србија во 2000 година, како долгогодишен претседател на Демократската партија. Официјално премиер стана на 25 јануари 2001 година.
Србија за време на својот мандат ја доведе во центарот на вниманието на европската и светската јавност, а според оценките на западните дипломати, тој придонесе за изградба на добри односи со западните земји по периодот на повеќегодишната изолација на Србија.
Владата на Ѓинѓиќ ја почна соработката со Хашкиот трибунал и за време на неговиот мандат, во согласност со меѓународните обврски уапсени се неколку лица обвинети од Судот, меѓу кои и поранешниот претседател на Србија и на СРЈ Слободан Милошевиќ.
Неговата Влада во тогаш разорената земја ја собори годишната инфлација од 41 на 15 отсто, со воведување на цврста монетарна политика, со која динарот повторно стекна вредност, а кон крајот на 2001 година забележан а стопански раст од 5,5 проценти.
Но, поради сето тоа Ѓинѓиќ стекна и голем број непријатели. По неколку неуспешни обиди за атентат, тој е убиен на 12 март 2003 година пред зградата на Владата на Србија.
Веднаш по убиството српската Влада прогласи вонредна состојба и ја покрена акцијата „Сабја“ во рамките на која беа уапсени, а по три и пол годишен процес и осудени припадниците на „Земунскиот клан“, како организатори и извршители на убиството.
Ѓинѓиќ, кој е роден на 1 август 1952 година.