Потпретседателот на СДСМ, Зоран Јовановски, денеска и официјално ја предаде кандидатурата за претседател на СДСМ во седиштето на СДСМ.
„Во ова време на голема сиромаштија, невработеност, бесперспективност, сакам во СДСМ и во Македонија да ги вратам вредностите кои се столбот на социјалдемократијата, праведноста, солидарноста, и силно верувам дека членовите на СДСМ и граѓаните тоа ќе го препознаат.
– СДСМ има шанса да тргне по патека по која не одел досега. Притоа, мојата цел не е само
да станам претседател на партијата. Јас сакам преку длабоки и темелни реформи да
направам победнички СДСМ, СДСМ кој ќе го победи Никола Груевски и неговиот начин
на владеење и ќе ја направи Македонија слободна, модерна и просперитетна. Ќе имаме
многу работа, но ќе ги засукаме ракавите и ќе успееме, за доброто на сите граѓани на
Република Македонија.“ изјави Јовановски.
Јовановски како дел од својот тим ги посочи Ана Павловска Данева и Гордан Георгиев, потпретседатели на СДСМ.
Тој во оваа прилика истакна дека е задоволен од сигналите што доаѓаат од партиското членство како поддршка за неговата кандидатура.