Паско Кузман е осомничен за злоупотреба на службената положба и овластувањата, соопшти денеска портпаролот на МВР Иво Котевски.
Полицијата го товари за издавање на дозволи за ископување надвор од законските процедури и нанесување на штета на државниот буџет, со што само МВР, според нив, е оштетена во висина од 1.200.000 поради повикување на полициска асистенција надвор од процедурите .
Во псоебен извештај упатен до Јавното обвинителство, заедно со Кузман се опфатени и три други лица. Едниот од нив, инспекторот во управата Илче Бојковски веќе е дел од постоечкиот процес Фаланга 2 и кај истражен судија беше донесен од притвор. Другите приведени се инспекторот Звонимир Николовски исто така од УЗКН и Марија Пуљаз, која е советник во Управата.
Приведените се осомничени дека во текот на 2011 година во неколку наврати издавале лажни патни налози и барале полициска асистенција и вршење на ископ на локалитети Драмски рид во Делчево и Катланово на Велешко езеро.
>>„Фаланга 2“: Уапсен Паско Кузман
Според МВР, поттикнат од претходно приведениот Илче Бојчески, Паско Кузман барал од уште еден приведен раководител во Управата за заштита на културното наследство да издаде решенија за ископување на две спорни локации – Драмски Рид кај Делчево и кај Катланово.
Од МВР велат дека процедурите во кои се издаваат тие дозволи биле прекршени, а вмешаните не воделе никаква документација што се копа, како се копа и дали нешто е пронајдено.
Засега Кузман не се товари како дел од групата која вредните артефакти ги изнесувала надвор од земјава и ги продавала на црниот пазар.