Нелсон Мандела стана меѓународна личност за време на издржувањето на 27-годишната затворска казна борејќи се против апартхејдот, јужноафриканскиот систем на расна сегрегација.
Но, иако светот го знае како Мандела, човекот кој се смета како основач на демократијата нво Јужна Африка, тој е познат и под неколку други имиња во својата земја. Некои од неговите прекари датираат од неговото детство додека другите укажуваат на почитувањето кон анти-апартхејскиот херој и првиот црн претседател на земјата.
1. Ролилала (Rolihlahla)
Според фондацијата „Нелсон Мандела“, неговото име од самото раѓање е Ролилала Мандела, кое што му го дал неговиот татко Енкози Емфеканизва Гадла Хенри, и според еден од шестте јужноафрикански јазици „Коза“, Ролилала значи „влечење гранка од дрво“ или „бељаџија“.
2. Нелсон (Nelson)
Името Нелсон, за првпат се појавило додека младиот Мандела бил во основно училиште. Според фондацијата „Нелсон Мандела“, тоа име му го дала неговата наставничка Ендингејн, на првиот училишен ден во селото Куну. Нејасно е зошто го одбрала баш тоа име, но сепак во 20тите години било обичај на африканските деца да им се даваат британски имиња со цел, британските колонијалци да ги изговараат полесно
3. Мадиба (Madiba)
Во Јужна Африка, кон Мандела најчесто луѓето се обраќаат како Мадиба, името на кланот Тембу на кој што тој припаѓа. Мадиба е името на поглаварот на Тембу кој во 19 век владеел во регионот наречен Транскеи во југоисточниот дел на земјата. Според фондацијата, обраќањето кон Мандела како Мадиба е знак на љубов и почит.
4. Тата (Tata)
Познат како основач, односно татко на демократијата во Јужна Африка, Мандела е често нарекуван од многумина и како Тата. Тој збор според јазикот „коза“ значи татко.
5. Кулу (Khulu)
Јазикот „коза“ нуди уште едно име за љубовта кон Мандела. Кулу е скратен збор од „убавумкулу“ што значи дедо. Зборот исто така значи Големиот, Врховниот, Најголемиот.
6. Далибунга (Dalibhunga)
На 16 години, машкоста на Мандела, како што налага традицијата за сите момчиња од Коза, била обележана преку традиционалната Коза-церемонија. Во тоа време му било дадено името Далибунга, што значи „создавач“ или „основач на мирот“. Или според фондацијата, „оној кој го практикувал дијалогот“. Во продолжение, кога се употребува името да се поздрави Мандела, правилната употреба гласи „Ааах Далибунга“.
ВИДЕО- Како изгледаше ослободувањето на Мандела, на вестите на Би-Би-Си